..المقال522..
كتير من الاصدقاء بيسألونى ايه فايده بناء عاصمه جديده وليه دلوقت
واحنا فى امس الحاجه لرفع مستوى معيشه الفرد وخاصه المعظم الان بيشتكى من ارتفاع الاسعار فى كل شىء تقريبا
وبالتالى تضاعف عدد البسطاء والغير قادرين ..كل ده صحيح وواضح للجميع بس رغم انى مش خبير تخطيط
ولا مسئول سياسى لكن بفكر بالعقل هو احنا فى القاهره مابنشتكيش من الكثافه
السكانيه ولا من ازمه وزحمه المواصلات ليل نهار وكل يوم حتى ايام الاعطال الرسميه هل يستطيع احد انه يقضى
مشواره فى ساعه او اثنين ولا بيضيع اليوم كله فى المواصلات وزحمتها فى
حد بيودى عياله مدرسه حكوميه ومايلاقيش كثافه كبيره فى عدد الطلاب او فى المستشفيات حد بيقدر يخلص ايه طلب
فى اى مصلحه حكوميه من شدة الكثافه على الموظفين وخاصه فى الشهر العقارى او الحى او المحاكم
هل بتجد شقه فاضيه ولا حتى ايجار اقل من الفين جنيه هل المياه بتصل الى الادوار العليا
ابتداء من الدور الثالث والصرف الصحى المتهالك وكم الزباله المتراكمه
فى معظم الشوارع والحوارى ان العاصمه الحاليه اصبحت لاتتحمل وفى خلال سنوات قليله سيصبح السير
والعيش فيها من المستحيلات فكان لابد من التفكير فى عاصمه بديله وبسرعه تفوق حتى السرعه التى تبنى بها الان
وبالتالى كان لابد أن يتوفر فيها كل متطلبات الحياه من ابراج وعمارات تناسب مستوى الجميع ومبانى للمصالح
الحكوميه والهيئات والوزرات ومجلس الامه والمدارس والجامعات والبنوك والمستشفيات ودور العباده والمطارات
والسفارات وقصرين تلاته لاستقبال كبار الرؤساء كل ذلك لابد ان يتوفر فى اى عاصمه جديده وما يبنى اليوم
لا ولن نستطيع بنائه غدا بسبب ارتفاع الاسعار المستمر على مستوى العالم فى جميع المستلزمات طبعا ممكن دا كله يكون
جه علينا شويه بس احنا بنبنى مستقبل بلد ..احنا بقى سبنا دا كله ومشينا
ورا عيل حمار وقالك دول بيبنوا قصور وكأن القياده هاتاخد القصور
معاها وهى ماشيه ونسيوا ألاف المنشأت الضخمه التى بنيت ولا زالت تبنى فى العاصمه الجديده….لازم نفكر ونعقل الكلام
قبل ما نضيع بلدنا وجهد الناس المخلصين وخلاص..وبكره احسن انشاء الله….
