يا وطن يا وطنطن
=========
ياوطن مالك مالت
على الأرض فروعك
والجدر تحت الأرض
بيشد في قلوعك
بحرك غويط ماله قرار
عدوينك كتير على البر
بيحلموا بيوم موتك
عيشوا كتير في حلمكم
ولا يوم هتتحقق أمانيكم
شوفوا اللي حلموا قبلكم
أيه جرا ليهم
اتمنوا يطولوا شواشي النخل
من فوق سابع سما بايديهم
حصدوا بذور الحقد نار بتكويهم
يا بهية ومهرك غالي
مين يقدر على مهرك
غير إبن الأصول اللي من ظهرك
بالدم ويفديك ويمحى أعاديك
يا بلدي ورايتك عالية في السما
منصورة دائما بدم
وروح المخلصين فيك
محروسة يا بلدي بايمانك
يا مهد الديانات والله حاميكِ
مذكورة في القرآن وبنوره هاديكِ
حصوة في عين حُسادك
و عين المولى تحميك
#بقلم_حنان_محمدعبدالعزيز
