(محتاجلك يا بوي)
محتاجلك يابوي
تكون جنبي وتسندني
منا لوحدي
عايش في الدنيا دي بطولي
تعبان والله يابوي
في زمان مافيهوش
حاجه صح
لا ابن بينفع والا صاحب
دنيا مليانه تعالب
مليت انا م الصبر
مينفعش تطلع من القبر
ولو ساعه تواسيني
تنسيني الهم برجوعك
وافضل يابوي انا ف طوعك
بس اشوفك ولو مره
يا بوي واحشني قوي صوتك
واحشني زعيقك وسكوتك
كلامك لسه ف وداني
بتنصحني تفهمني
وكل كلامك ليه معني
كان نفسي اقولها زمان
قول يا بوي وسمعنا
حكمة كل الحكما فيك
وطيبه وحب مالي الكون
لكن ساعة الغضب يابوي
اسد
ببصة عين ترج الكون
عرفت يابوي واحشني ليه
عايز اكون عليك مسنود
وهمي ارميه علي كتافك
وعارفك قدها وقدود
ياخساره يابوي
راح زمن الاسود
محتاجلك يا بوي تكون جنبي
أبو رامي الاسواني
٨/٧/٢٠١٩
