.تعالوا نلم جراحها.
أنا شايف سفينه عايمه
بشراع مكسور وحزين
فتحات ف كل ناحيه
وعايمه ليها سنين
وكل ما نسد فاتحه
يظهر لنا فتحتين
شايله ملاين فباطها
وسابحه بطلوع العين
ريسها واخدها كهنه
لا ماتور ولا مساعدين
عمال سايقها وحدة
حيران ما بين شطين
شط خراب وعتمه
وشط وحل وطين
وعايزها والله ترسي
على شط الموعودين
وغيره عايزها تغرق
بس هاتغرق بمين
كلنا راكبين فيها
واحنا الخسرانين
يا نساعد ونقوم بيها
يانفضل كدة عايمين
لاشط نرسى عليه
ولابر يساع ملاين
تعالوا نلم جراحها
ونتعب كدة حبتين
ماحنا شايلين همومها
من الاف السنين
تعالوا نسد خرامها
من غيرها غرقانين
