موال على صوت الناي
شدو حزين اوصفه ازاي
كل شيء جوايا يبكي
إلا عيني
وشفايف بتضحك للي رايح
واللي جاي
وجه ☺ يشوفه
الناس بشوش
والقلب من القهر 💔
متعرفهوش
لكن جواه طيبة
وحنان ميتعدوش
يخاف على احساس الناس
ويداوي جراحهم ويواسي
وجراحه مكبوته
جواه تئن وتنوح
ولا يقدر يتكلم
ولا بحزنه يبوح
كل همه يشوف الكل
سعيد فرحان
مهما آسى هو
جراح وحرمان
وفي حب الله
قلبه متعلق هيمان
مناه يفوز برضى ربنا
يكون كسبان
ولا يكون من اللي
أغرته دنيته
ويطلع منها خسران
مسلم أمره للخالق المنان
وراضي بنصيبه مهما كان
عايش يشكر ربه
والدنيا تحط عليه
والحمل منه جبال
شيال الهموم
رغم صغر سنه
لكن من كثرة الاحزان
بان عليه العجز
وشعره شاب
ياقوم العجز
مش بطول السنين
العجز بيجي
للي قلبه حزين 😔
ومها طال العمر
بيطول معاه الأمل
مسير القلب ❤️
يلاقي يوم فرح
ايد تطبطب وطبيب
يداوي الجرح
#بقلم_حنان_محمدعبدالعزيز
