.هاتعلا لفوق رايتنا.
ترفعوا تانى الدولار
تولعوا فى الاسعار
تخلوا العيشه نار
معاكى ياحلوه مكملين
وحياة عيونك متحملين
وكلاب جهنم مصممين
يشفوكى تمدى اديكى
راكعه وكاسره عنيكى
فارضين حصار حواليكى
لاسياحه ولا تحويل
لاتجاره ولا تمويل
عايزينك جسم عليل
سبع سنين وشويه
حرب شياطين مخفيه
وولادك هما الضحيه
تفجير خراب ودمار
احزان ف كل دار
حالفين البلد تنهار
ارهاب على الحدود
سفك دماء وبارود
كفره وخانوا العهود
معارك دايره ف سينا
من كل البلاد بيجينا
كلاب هايجين علينا
بس ولادك وحوش
ابطال ولا يخافوش
اشراف ما يركعوش
لشويه همج حساله
طالقينهم حبه زباله
عاملين فيها رجاله
بفلوس ماتعبوش فيها
ربك بالخير عاطيها
بركه عايمين عليها
بس ماصانوش النعمه
ولافيش فقلوبهم رحمه
مزقوا ف جسد الامه
جابو عاليها واطيها
فكل البلاد حواليها
وفأى مصيبه تلاقيها
على رأى اللى قال
دوام الحال دا محال
وبكره ياشويه عيال
هانعبر تانى عبور
ونخلى الظلمه نور
ونوصل كل الجسور
والمحبه تملى قلوبنا
وترجع تانى عهودنا
وبكره تعود امجادنا
بسواعد كل اولادنا
والمولى هو سندنا
وهاتعلا لفوق رايتنا
………………….
