الليلة دى عيد ميلادى
سنة راحت وعمر عدى
وسنة جاية يتولد يومها النهاردة…
والسنة دى كام يوم
ذى غيرها تعدى فيوم
والخسارة كام حبيب
وكام صديق وكام يوم
مسكين ياقلبى عمال تقاسى
يوم ورا يوم
مكتوب تشيل عالهموم هموم..
والليلة دى عيد ميلادى..
……………………….
نهار يعدى وشمس تغيب
ف وداع حبيب ورا حبيب
وانت لسة ف انتظار
يطلع عليك نهار
قلبى ياساهى باغفلان
الدنيا ملهاش امان
اصحى على اجراس الكنايس
اصحى على صوت الاذان
مهما طال النهار
الشمس مسيرها تغيب
مهما طال الانتظار
الليل منك قريب
والليلة دى عيد ميلادى..
………………………..
دنيتنا مابين سما وارض
عايشنها طول عايشنها عرض
عايشنها امال ووعود
عايشنها شوك وورود
عايشنها افراح وشموع
عايشنها جراح ودموع
وبكرة يعدى وغيرة يفوت
وذى ما اتولدنا بكرة نموت
والليلة دى عيد ميلادى
…………………………….
تفتكر ياقلبى الل جاى أد أية
أد الل راح ولا اكتر ولا اية
ريحت بالك رضيت ضميرك
طب ماتقول لى عملت اية
أية الل شاغلك قرب لربك
اية فالدنيا راح تبكى علية
والليلة دى عيد ميلادى
سنة راحت وعمر عدى
وسنة جاية يتولد يومها النهاردة..
……………………………….
و
