..ياصبر إلهى يسترك.
ياصبر إلهى يسترك
مكمل معانا لفين
كل اللى جانا من يمتك
عزاب وجراح وأنين
ياريت تغير سكتك
وتخف عنا يومين
ياصبر نبوس خلقتك
فرحنا ولو ساعتين
شايف مصايب عملتك
وصبرك عالخاينين
الدم حصل ركبتك
ودموع فعيون ملاين
ياصبر ايه اخرتك
عامل حساب لمين
العدل نام على منصتك
والخونه والله مبسوطين
ولادنا ماتوا حضرتك
والبعدا فينا شمتانين
ياصبر سرع خطوتك
ريحنا من الملاعين
خلى المبادرة من يمتك
ورد الصاع صاعين
ياصبر ورينا همتك
والرب هو المعين
