الشاطر (علي) وبهيه ( ست الحسن والحنان)
أحكي يا شاطر علي وقولي كمان
وصدري مفتوح لك بكل أمان
بتقول حكاوي منها العقل صابه جنان
وأنا أرد وأفضفض لك عن اللي كان
وعن خضرة وحكايتها مع ابن الجيران
طلبها من أبوها وكان غلبان
قاله عايز تتجوز بنتي مهرها خمسين فدان
وشبكتها ياقوت ومرجان
قاله يا عمي أنا علي الغلبان
مش (علي بابا) صاحب المغارة
وكل اللي أملكه شقة إيجار ف عمارة
بس عندي اللي يغنيني عن ملايين الدنيا كمان
أعرف أعيش بعزة نفس وكرامة وأحمي مراتي وأكون لها من الشجعان
وافق وافق ياعمي وعمرك ما تكون خسران
الحب غطانا وفرشتنا ومش هبات في ليلة جعان
وأحكيلك عن عمك خليل زهران
اللي كان جنايني في البستان
ابنه خلص دراسته وكان عشمان
يلاقي وظيفة ومرتب يساعد ابوه ويمشي الحال
فكر عمك خليل زهران
على حد يكون له وسطه صاحب كلمة وهيلمان
يساعد في تعيين ابنه سرحان
قاله مافيش حد يا عم خليل لاقي مكان
مافيش وظايف انصحك بأن أبنك يسافر بكره الأردن ولا عمان
رد عليه عمك خليل وقاله
يا سعادت البيه ده ابني الوحيد
ومش عايزه يبقى عني بعيد
أنا راجل كبير شقيان
يستنه يساعد معايا في الغيط والبستان
كنت بعلمه وفي كرم ربنا طمعان
أشوفه قاعد على مكتب سعيد فرحان
(لكن ليس في الإمكان أكثر مما كان)
يقعد ي فلح ويزرع ورد وريحان
شفت يا شاطر علي ولسه فيه حكاوي كتير
تملى منها كتب وديوان
اسكت اسكت اصل الحيطات لها ودان
#بقلم_حنان_محمدعبدالعزيز
