براويز
( أحمد )
براويز وصورة هايلة
من بعيد تظهر تمام
واما تقرب منها تلاقى
لمة فاضية وكله زحام
كله عامل إنه عنتر
شايل سيفه طالع قدام
وشوش متلونة بالف لون
ما خلاص فلت الزمام
وشوش غريبة بالف قناع
واقع مر موش تمام
كله يا با عاوز صورة
وكله يا با بيقول كلام
أما الفعل يا عينى عليه
رجع ورا مبقاش قدام
كله يهيص ياخد صورة
ستف ورقك تبقى تمام
يلا هيص تاخد كرسى
شيل الشنطة كمان يا سلام
بروايز مكسورة مهما طال
الوقت لازم تمشى زى الغمام
بروايز وفيها الف لون
زى وشوش باهته تمام
مهما لونها حتى الرسام
كله عارف كله شايف
وكله بيرقص والسلام
** أحمد **
12/4/2019
