رسائل الزعيم السيسى لمصر والعالم

متابعة عادل شلبى

كالعادة رسائل الرئيس السيسي خلال مداخلاته فى الندوة التثقيفية للقوات المسلحة بمناسبة يوم الشهيد .. و ليس بغريب ..

فدائما تحمل كلمته رسائل للداخل والخارج وقصف جبهة لاعداء مصر و طمئنة وبث روح التفائل و دفع لزيادة قوة ارادة الشعب

و عدم التلاعب بها لبلبلة تفكيرهم والسيطرة على ادراكهم وتوجيه سلوكهم وتخريب وهدم مجتمعهم .. وكأنه ألة حرب .

. لمواجهة تضليل وقصف اعلامى متواصل ونشر اكاذيب وترويج الشائعات والريب والفتن والتشويه والتحريض من كتائب مخربه

باعوا انفسهم وتعاونوا مع الشيطان بخبث غير مباشر وغير مرئى يتخنث ويتسلل كالجرثومة الخبيثة ليعيد تشكيل الراى العام لتوجيهه

الفرد وفق توجهاته الضاله و بحسب تاثيره ..
بدائت مداخلته ..

_بهحكي حكاية نوفمبر ..فى نوفمبر 2011 كان أحداث محمد محمود وفي الفترة دى كنا إحنا موجودين.. أنا بذكركم بمشاهد

وأحداث مرت علينا إحنا.. كنا حريصين ألا يسقط مصري واحد وكان حرصين على كل المصريين.
_ افتكر من سنين طويلة فاتت ..كنا

بنشعر أن فى حد فى وسطينا دائما يشككنا فى كل شئ ما عدا الأمر الخاص بيه هو .. ده لا من الأمانة ولا الصدق ولا الدين فى اى شئ .

_أنا بقول ده ليه .. بصفتي رجل من المخابرات الحربية .. وكان بيسقط القتلى يوم بعد يوم .. أكتر من 6 أيام مات فيهم عشرات واتعمل فى الوقت ده منصة عشان تجيب بقية الدولة الأرض..

كان المطلب ساعتها أن المجلس العسكرى يمشى وعشان يمشى نعمل حالة تخلى كل الرأي العام رافض لأن القتل اللى بيتم ده بيتم باسمه.. انا بكمل كلام دكتور أسامة هيكل ..

_أقسم بالله أنا قلت اعملوا لجنة لدراسة كل الأحداث فى 2011 و2012 عشان تعرفوا ازاى الدول بتدمر وبتضيع.

. في اليوم ده قلت لرئيس اللجنة الهندسية إذا متعملش جدار فاصل بين محمد محمود وميدان التحرير البلد هتضيع

.. اتقفل الشارع و انتهى القتل… و الصورة اللى اتصدرت ان المجلس العسكرى هو اللى عمل كده .. زي ما اتصدرت الصورة دى في ماسبيرو ومحمد محمود.

_أنا بقولكم يا مصريين حجم الخسارة اللى ترتبت على الأحداث دى من 2011 لـ 2015 .. حجم ضخم جدا .. هندفع تمن كبير جدا…

كان ساعتها تلقى مطالب مش عارفين جاية منين على شبكات التواصل تاخدها البرامج بالليل تبقى مطالب واجبة التنفيذ.

. و بعد ما جهزنا البيان كان موحود مطالب كتير.. منهم مطلب أن المجلس العسكر يمشى وكان الفريق محمد زكى موجود فى التحرير .

.كنا حريصين إن مفيش مصري يصاب أو يقتل لكن قدمونا للناس إن إحنا قتلة وفسدة..

_احنا عملنا فى قانون الخدمة المدنية الجديد إجراءات عشان نظبط أداءنا.. ينفع واحد ياخد (استروكس) ويركب قطر..

و يضيع ولادنا وأهلنا الموجودين في المحطة… و أنا بقول الكلام ده لأن إحنا مش هنسمح وهنحاسب بالقانون اللى وافق عليه نواب الشعب

.. اللى يتعاطى مخدرات يتم إنهاء خدمته فورا.. و التحاليل اللى إحنا هنعملها لازم تتنفذ بصدق وأمانة… هما الكام شخص

وعشرين اللى ماتوا دول معندهمش أولاد ..إحنا بنقول الكلام ده مش بس عشان السكة الحديد بقول الكلام ده على كل المرافق…

_أنا مش قلقان عليكم .. حجم الوعي عندكم بقى كبير أوي.. و فى أجيال صغيرة طلعت من يناير لحد دلوقتى فى منهم ميعرفش الآثار دى

.. كل أب وأم بقولهم خلي بالكم من أولادكم.. فى ناس بتموت لأجل البلد تعيش.. قول لابنك وبنتك.. خلى بالك لا تعبث بأمن الوطن..

_كلام كتير أوى بيتقال في موضوع الجيل الرابع عن تطور وسائل القتال فى تدمير الدول ..الجيل ده مبيعتمدش على المواجهة المباشرة

.. بيعتمد على وسائل الاتصال الحديثة ونشر الشائعات اللى ورا الحواسب انت متعرفهوش…

_هو أنا قلت لكم معايا السمن والعسل طيب والله العظيم كل المدن الجديدة مش من موازنة الدولة و لا تكلف موازنة الدولة شيئا.

. طب بتتعمل إزاى.. أنتوا بتحفروا الأرض تجيبوا فلوس من الأرض.. الأراضى اللى ملهاش قيمة بندخل نعمل طريق ومحور لغاية ما نعبر

.. نطرح أراضي للبيع.. والفلوس بناخدها نعمل بيها شغل.. الكلام ده ينطبق على العلمين وكل المشاريع الجديدة..

حد يقولي أنت مقلتش الكلام ده قبل كده .. أنا ممكن أطلع كل يوم في التلفزيون وأتكلم معاكم بس أنتوا هتزهقوا منى

وأنا معنديش ملكات الإعلاميين…
_يقولك دول هيعملوا فى العاصمة الإدارية 200 مليار بنية أساسية ..

طيب أسبوط الجديدة.. إلاسماعيلية الجديدة.. طيب رشيد الجديدة.. ودمياط الجديدة .. والمنصورة الجديدة

.. يا جماعة اللى بيطرح الطرح ده عاوز يألمك وينغص عليك عيشتك..

_ جميع الشهداء العسكريين والمدنيين قدموا ثمنا كبيرا حتى يعيش الوطن فى سلام وآمان. . يا ترى بندى الجيش والشرطة

مرتبات إيه.. يا ترى بيقولونا عاوزين فلوس وبيقولوا مش هانكمل لحد ما تدولنا .. لا حصلت ولا هاتحصل والتمن اللى تم

دفعه مايتعوضش خالص ولو قلتلكم أرقام مرتبات الجيش والشرطة هاتستغربوا قوىأرقام متواضعة وطول عمر الجيش والشرطة كان كده..ومحدش أبدا طلب زيادة..

_أنا مش رئيس لكم.. أنا واحد منكم والله لأقف أنا وأنتم قدام ربنا وأسألكم زى ما أنتوا بتسألونى وهحاسبكم زى ما بتحاسبونى ..

و سألونى إنت بتعمل كده ليه.. أنا خايف عليكم… أنتوا عارفين عدد أسابيع المظاهرات في مصر كانت كام أسبوع..

أنهى بلد اللى تقدر تعيش وهى بتطلع مظاهرات فى الشوارع 200 مرة فى 4 سنين.. سياحة إيه اللى تشتغل..و تجارة إيه إلى تمشى

.. إحنا فى اخر اليوم نقول ..هناكل ولا كنا في مظاهرات .

. الاحتياطى اللى اتشكل فى 20 سنة 38 مليار.. راح.. اتشطبوا فى سنة ونص…

_الإشاعات كتير قالوا إن التطعيم بتاع 100 مليون صحة هيئذي الناس هغشكم ليه

.. هضحك عليكم ليه .. بقى إحنا نقدر نعمل كده في نفسنا..

أعمل كده فى نفسى وولادي.. احنا عملنا الحملة دى لأجل نخفف عن أهلنا..

كنت متألم من فيروس سى ..وموجوع منه كمصرى

بيتألم لأهله وناسه .. عملناه عشان نخفف عن كل مصري ونطمنه وقلنا نطمنهم.. و قوائم الانتظار كانت 18 ألف كان

فى 6 آلاف خالصين من سنة .. عملنا دراسة الـ12 هيكلفونا كام .. أنا عاوز أقولكم فى 6 شهور عدد اللى اتعملهم عمليات

من قوائم الانتظار .. تجاوزنا العدد بعشر مرات.. تجاوزنا 100 ألف إنسان. إحنا كحكومة عاوزين نخفف عن أهلنا ولا نضيعهم ..

_هفكر المثقفين والمفكرين ورجال الدين والإسلاميين اللى أنا قعدت معاهم بصفتي مدير المخابرات.. قلتلهم هتتخرب منكم

..أنا كنت بقعد معاهم بصفتي مدير للمخابرات . من فضلكم ابعدوا أنتم عن الحكاية

دي.. أنتوا لكم أفكار هتبقى عائق لمصر وهتبقى

عائق كمان عليكم… و لما جم سألوا وقالولى نقدم رئيس.. قلت لهم المشكلة الكبيرة

و انا راجل صادق أوي وأمين أوي وشريف

أوي إن شاء الله .. هقابل ربنا عن كل كلمة وفعل عملته ..مصر عايزة شعب يقوم بمواجهة تحدياتها .. حجم التحديات مينفعش

حد يواجهه بجماعته، لأ.. أكبر منكم ..
_عاوزين 9 مليار رغيف في الشهر .. أنتوا عارفين الرغيف عشان

يبقى موجود ليه حكاية.. لو مش موجودة مش هتلاقيه قدام حضرتك.

.أنا هقولكم حاجة.. قالولى هيحصل مشكلة في 2060..

و ساعتها هكون مت وشبعت موت .. لكن قلت لابد من التصدى ولا نترك للأجيال الخراب والضياع .

. الموضوع ده هيبان إمتى 2060 ..

قلنا نتصدى لها ونجهز نفسنا.
_قالوا إن الجيش خان .

. والشرطة دخلت المتظاهرين الأمن الوطني عشان ياخدوا الوثائق .

. و دا عشان يهدروا كرامة الشرطة… شوفوا الدول بتدمر إزاى وبتضيع إزاى.

.والله أنا صادق ..كل يوم حكاية وحكاية وإشاعة وإشاعة..

صحيح فى أخطاء فى وزارة الداخلية لكن مقتلتش الناس في ميدان التحرير..

قالوا السيسى بيتحايل على كامل الوزير لمنصب وزير النقل من خمس ايام ..

عارفين لما عرضت على اللواء كامل الوزير منصب وزير النقل بعد حادث قطار محطة مصر وافق وقال ايه ..قال أنا تحت رجل مصر

في أى وقت…ولم يتم تعيين الوزير وزيرا للنقل حتى الآن لأنه لابد من موافقة مجلس النواب .. والبرلمان فى اجازة حاليا

.. و انا بدي المرفق ده لواحد من أحسن ضباط الجيش.. و سترون مرفق جديد فى 30 يونيو 2020 .. و يا كامل لك كل الدعم

من كل المصريين من الجيش والشرطة وأجهزة الدولة عشان ننجح المرفق

ده ذى الكتاب ما بيقول .. ولو عايز ضباط من أى هيئة معنديش مشكلة..