” إيه إللى بيك “
يا اللى البكاء مكتوب عليك
إيه إللى بيك لما الرصيف يبكى عليك
والنار بتشوى في جتتك
وامك بتجرى بفرشتك
والجرح فيك خلا البكاء من نظرتى يبكى عليك
طب ذنبه إيه
لما الرصيف بينفجر
وأنت يعينى بتتهجر
من دنيتك وإللى انت فيه
طب ذنبه ايه ؟
طب وإللى طالع يشتغل
على شان يجيب للبيت جنيه
كان ذنبه إيه
طب وإللى رايح مدرسة
ولا إللى رايح هندسة
كان ذنبه ايه ؟
طب ليه كده
دنيا ماليها إللى القضاء
ملت يعينى من الفضاء
والحزن عشعش أرضنا
وإحنا يعينى بنتحرق على شعبنا
طب ليه كده ؟
قلبتى ليه على وشك التانى
اكمنى كنت صعب وإنانى
فمسكت فيكى كتييير
والدمع بقا بيسيل
والحزن بقا بيميل
طب ذنبى إيه ؟
لما أكون ماشى فى طريق
القى الحريق
فى سكتى يمسك يا عينى في جتتى
وامى بتجرى بفرشتى
على شانى وتطفى
انا كنت متصفى
طب ذنبى ايه ؟
💔💔 Norhan tarke
