يبدو أنهم على ما تفرج
متابعة عادل شلبى
على ما يبدو أن مجلسنا الموقر المفعم بالنواب على شاشات الفضائيات مصمم على أن الصحافة والإعلام يكونو هيئتين مش
وزارة لها وزير اعلام لأنهم هيئتين وطنيتين وده واضح فى موافقتة على تقرير اللجنة العامة عن مبدأ تعديل بعض مواد الدستور
اللى تم الاعلان عنه اليوم مع الابقاء على الهيئتين الوطنيتين للصحافة والاعلام و اللى المفروض احالة التقرير للجنة التشريعية
والدستورية بمجلس النواب لدراسته وتقديم تقرير للمجلس خلال 60 يوم ..
يا نخبتنا وخيبتنا كنا ..
عايزين وزير اعلام للاعلام والصحافة من نوع فريد مقاتل بالكلمة والرؤية والمشاعر يؤجج جبروت مارد يزلزل الصخر..
عايزين وزير اعلام يطور المنظومة الاعلامية ويأهل كوادر اعلامية فنية ويحدث بنية تحتية .. يرجع اعلام تلفزيونى واذاعى
قادر على المنافسة اقليميا وعربيا و يقوم برسالته على أكمل وجه فى التميز و الابدع لعمل اعلامى وثقافى بحق ..
عايزين اعلام أولوياته الرسالة الاعلامية و المرحلة المقبلة و التركيز على رؤية مصر المستقبلية .. يرسخ قيم الولاء والانتماء
وتعزيز الوحدة الوطنية وتسويق توجهات الحكومة فى الخارج قبل الداخل ..
عايزين اعلام حرب لجيش بيحارب فى عملية عسكرية شاملة و شاملة يعنى بحر و جو و بر وتجفيف كل المنابع وقطع خطوط
الامداد على مستوى أرض الدولة ضد عصبة أمم التمويل و التخطيط والمعلومات فى سابقة لم تحدث فى التاريخ لأى دولة فى العالم ..
عايزين إعلام يكون سلاح فى المعارك الفكرية والثقافية وتجييش الرأى العام و تهيئتة للتكاتف فى بناء الدولة ..
عايزين اعلام وطنى شريف محترم ياخد مادة اعلامية ثرية توضح إللى فى مصر ويلقى الضوء عليها اذا كان تراث و لا أمن وأمان واستقرار ولا استثمار ومشروعات وبلاش أى ايجابيات يطمسوها ..
عايزين اعلام ينشر التسامح والوسطية والفكر الصحيح الهادف .. اعلام يعبر عن مؤسساتنا الدينية ..
عايزين اعلام بدون
سب و قذف وفضايح و هدم و تكفير وتهديد ووعيد و صراع و تطرف وفتاوى .. اعلام وطنى وتثقيفى بعيد عن التبعية لتوجهات اصحاب رؤوس الأموال والتمويل..
عايزين اعلام ميجيش على الهايفة ويتصدر ..لا يفرح بتشويه سمعة شخص ولا يلمع ويبرز ساقط وفاشل و قاتل
..اعلام مش مهتم بفساتين وفيديوهات متسربة لفضايح .. اعلام يسدل الستر لفنانات وفنانين وناس محتاجين
.. بلاش يناقش لمدة ساعة ونص قضية الراقصة والمواصفات القاتونية لبدلة الرقص و كيف تبدو.. و يطالب الدولة
اللى بتحارب الاهتمام بحمامات الشوارع واشى نفخ وشفط واكل ورجيم ودعاية لدكاترة وبرامج مدفوعة الاجر والخ الخ ..
خيبتنا فى نخبتنا واعلامنا..تحيا مصر ويحيا الوطن نيفين ناصر
