الخيانةةالزوجية
بقلم — هبة عبدالرحمن
تصوير —ريمون يوسف
الخيانة الزوجية .. انا من راي الشخصي ان الخيانة الزوجية السبب الرئيسي فيها ان الزوج يبيح الي نفسة المتعة والانطلاق
وعدم القيود وحتي وان كان الزواج قائم علي الحب فالحجج كثير منها الملل الزوجي والروتين اليومي والسؤال الملح
من الزوجة بتكلم مين ورايح فين بيسبب للزوج اختناق فيبدا في الهروب الي اي ملجأ من قيود الزوجية بالترفية النفسي
ولو مجرد الكلام مع امراة اخري او الخروج معها وبعض الاحيان تنغرز اقدامة في الخيانة الفعلية ودخولة في علاقة حميمية
مع امراة اخري
.. ولو ناقشت هذا الزوج يقول السبب الزوجة هي التي دفعتني الي الخيانة بسبب سؤالها المعتاد بتكلم مين واخرت ليه ورايح فين
، أولا المقصر هو الزوج والسبب الزوج لماذا ؟ لأنة من الطبيعي الكلام والحديث الجميل الشيق بين الزوجين ولازم يكون في خروجة
حلوة حتي لو تمشية بسيطة ويمسك بيد زوجته ،ويرجعوا بالذكريات الجميلة تغيير جو البيت ولو بنزهه بسيطة ولطيفة .
اية المشكلة وهو خارج يقولها حبيبتي أنا نازل مشوار أو هاخر شوية ، والله الزوجة مش محتاجة غير شوية حنية وإحترام وعلاقة طيبة
وكلمة حلوة وتتعامل معاها كانها صديقة وحبيبة واختك وامك وزوجتك ، والله لو كل زوج عامل زوجتة باللطف والحنية
ولين القلب لتصبح البيوت مليئة بالسعادة والبهجة والرضا والاستقرار ولكن العند والحيل الفارغة عشان الزوج يدى لنفسة
الحق في الخيانة والنزوات الفارغة وقيود وملل والله دى حجة فارغة .
وفي زوج من نوع اخر يقول انازوجتي مهملة ومهتمة بالاولاد اكتر وانا اخر طرف في البيت مين الي قال الكلام دة اكيد دى زوجة
مطيعة وزى ماهي حنونة علي أولادها فهي أحن قلب عليك وبتراعي ربنا فيك وفي أولادك ، يعني اكيد الزوج طول النهار في الشغل
والزوجة طول النهار مع الأولاد وشغل البيت وإحضار الطعام ولوازم البيت ومذاكرة الأولاد .
يعني هي شايلة الحمل عليك وأكيد بيجمعكوا الكلمة الحلوة آخر اليوم لازم يكون في لغة حوار بين الزوج والزوجة ، بمعني أي شي
ء بتفكر فية أو بيسبب فجوة بينكم لازم تتكلم فيها وتتناقش وتوجهها لو هي مقصرة في شيء ، أو مهملة في شيء مش تاخد
جمب وتبعد أكتر وتعمل حاجز وتعمل علاقة برة البيت بمايسمي بالخيانة الزوجية
، وتقول هي السبب اهملتني ومشغولة بالأولاد طبعا مفيش الكلام دة .
انت لازم تواجه وتتكلم لحل المشكلة ووضع أساس للعلاقة بينكم بالتفاهم وبالتقرب الي الزوجة والأسلوب عليه عمل كبير ،
وليس التهجم بالكلام والنظرات الجارحة والكلام القاسي ، بالعكس الكلام الإيجابي
والتحفيز علي التودد بالمحبة وتقرب الزوجة اكثر واكثر لزوجها وإحياء المشاعر والحب .
لا تحبط مشاعر زوجة ولاتكسر قلبها بالخيانة ، وأكيد لايوجد مشكلة بلا حل
، ويجب الحل الإيجابي وهو التقرب الي الزوجة بالكلمة الحلوة والهدية والنظر اليها والابتسامة في وجهها .
واكيد لو اتكلمت علي الشق التاني وهي الزوجة انه يوجد بعض الزوجات المقصرات في حق أزواجهم بمعني الغيرة الزايدة
عن اللزوم ، ممايدفع الزوج الي الهروب خارج البيت ، وبالفعل هيدور علي البديل
وهي الصديقة التي ترافقة ولا هتسال رايح فين
او بتكلم مين ، هي بس هتقولة معاك كام ؟ وهتدفع قد اية ؟ للاسف وهو هيضر نفسه طبعا بغضب الله عز وجل وفعل السيئات .
وفي نفس الوقت هيبدا البيت يتصدع والعلاقة تتوتر بين الزوجين ونداء الي كل زوجة اهملت في نفسها ياريت تهتمي بنفسك
وتغيري من شكلك الروتيني البسي واتشيكي وروحي الكوافير او اصبغي شعرك في البيت وقربي من زوجك وأعملي وقت ليكي
انتي وزوجك اتكلموا واضحكوا واخرجوا والله إرضاء الزوج من ارضاء الله عز وجل
وطبعا أحبابي انا مش بخصص هذا الموضوع بأي حد ، أنا بتكلم بصفة عامة .
وطبعا مش كل الأزواج واحد ولا كل الزوجات واحد، ولكن بتكلم بصفة عامة لتوصيل رسالتي لبعض الأزواج والمشاكل المعاصرة
والتي مازالت مستمرة بسبب النت والفيس بوك والعالم المفتوح ، وطبعا الخيانة مش حاجة سهلة ولا خراب البيوت حاجة عادية
انت هتهدم بيت واسرة وأولاد حاول قبل ماتعلق خطائك أيها الزوج علي شماعة الزوجة ، اعمل مابوسعك لإسعاد
حياتك ولا تسعي علي خراب حياتك بعد ، والله لايصح إلا الصحيح ،
واختم كلامي الي الزوجة الجميلة اوعي تنسي نفسك وقربي من زوجك عشان مايضعفش ويقول كلام ملوش لازمة ، كملي المشوار
انتي قدها ياأحلي زوجة وأجدع زوجة الست المصرية الصبورة اللى بتراعي
ربنا ديما في بيتها وأولادها وزوجها .. وربنا يكفيكم شر الخيانة الزوجية
