..اذا غاب الضمير عم الفساد ..
………………..ياناس راعو ضميركم…….
ياناس راعوا ضميركم …………. حرقتم دمنا
كفايه بقى عمايلكم ……………… سودتم وشنا
مش خايفين نحاسبكم ……………..طب خافوا ربنا
…… …….. …… ………….
وده موظف حكومه ………………..ولا صاحب تكيه
الناس معاه مظلومه ……………….يوماتى رايحه جايه
دواليب بأوراق مزحومه ………….من مده زى ماهيه
وحاجنك تمشى بواسطه
ياتفتح ىدرج الاسطى
ياتجيب ميت ورقه بوسطه
………………………..
ياناس راعوا ضميركم
………………………
ومدرس لو يندهلك ………………..انت يحمار ياكبير
من بكرة ولى امرك ………………..يجى مكتب المدير
يابيه احب درسك ………………….تعالالى ياواد يا امير
والحصه ىيقلبها اثنين
والصفحه عايزه شهرين
والغدا عند ام امين
……………………………..
ياناس راعوا ضميركم
………………………..
..وده الكتور الدولى …………………فى جميع التخصصات
نسا باطنه كلوى …………………….غظام وحميات
عادى مستعجل فورى………………..يدفع حتى لو مات
والكشف فى دقيقتين
ومعاه عشره داخلين
مولد شى لله ياحسين
……………………………..
ياناس راعوا ضميركم
………………………
وده صحفى محنك …………………زمته عال العال
طول ما راضى عنك ………………رقعك كام مقال
ولما تخف يدك ……………………بلاوى عليك تنهال
وياتدفع له شهريه
ياتقب كل شويه
بشقه او عربيه
…………………..
يا ناس راعوا ضميركم
…………………………..
وده اعلامى اسطوره ……………….شغلته مطبلاتى
طول مانت فالصوره ……………….معاك مغنواتى
ولما يشطوك بالكوره ……………….يقلب مشرد حاتى
ويقطع فى السابقين
ويطاطى للحاضرين
وبكره الدور على مين
……………………….
ياناس راعوا ضميركم
……………………….
وده محامى يفرشلك ………………..البحر كله طحينه
ويقولك مش هاغشك ……………….قضيتك مضمونه
وسنين ياكل فكرشك………………..ويدورك ف طاحونه
وهات لرفع الدعوات
وهات لحضور جلسات
واخيرا الموكل مات
…………………….
ياناس راعوا ضميركم
…………………….
وده ناشط سياسى …………………. والمهنه خريج لمان
وزى مانت راسى …………………بينط ف كل مكان
كلامه وجع راسى ………………….عيش حريه امان
ويردح فى التجمعات
ويقبض من الخوجات
باليورو والدولارات
………………………………
ياناس راعوا ضميركم
………………….
وده تاجر جمله كبير …………………حريف دخول مزادات
ومعاه حبة طراطير…………………..قاعدين كده زهورات
وعليه ترسى يا امير ………………….بالرشوه والهدايات
ويذود عا البياعين
ويلم الجنيه عشرين
وما بينهم احنا ضايعين
………………………
ياناس راعوا ضميركم
…………………………..
فى كل مهنه ومهنه …………………. فى بعض السيئات
بأدينا نقدر نوقفها ……………………..بأدينا يبقوا الوفات
والوقفه منى ومنك …………………….مش بالقرارات
دى بلدنا بلد الخير
بتنادى بالتعمير
وانا انادى بالضمير
………………….
ياناس راعوا ضميركم
………………………
