.مين يا عرب.
أيه اللى جرالكم ياعرب
مين زرع فيكم الغضب
مين الل فخيركم نهب
مين الل كان بنا وهرب
مين الل قسمنا ضرب
مين الل فرقنا وغلب
مين ياعرب..مين السبب
…… …… …….
أيه اللى جرالكم ياعرب
………………………
بخطه سوده وما سونيه
حاربونا بحركات ثوريه
تنادى عيش عداله حريه
وفى غفله وايادى خفيه
غيروا مبادئها الاساسيه
لخراب ودمار وهمجيه
لجمعات وفصائل دمويه
……. ….. …….
أيه اللى جرالكم ياعرب
……………………..
عملوهابخبث جيرانكم
بالحب والغيره لدينكم
خلوكم خربتوا دياركم
ضحيتوا بأغلى شبابكم
دمرتوا فجيش بلادكم
قضيتوا على مستقبلكم
وراحت فالنار اموالكم
…… …. ………
أيه اللى جرالكم يا عرب
………………………..
ضحكوا علينا باسم الدين
قتلوا فينا شمال ويمين
واتحولنا من معتدلين
لقلوب عنيدة متحجرين
وعقول بليده ومغيبين
العالم يبنى لسنين جاين
واحنا رجعنا مئات السنين
……. ….. ……
ايه اللى جرالكم ياعرب
مين زرع فيكم الغضب
مين اللى فخيركم نهب
مين الل كان بنا وهرب
مين الل قسمنا وضرب
مين الل فرقنا وغلب
مين ياعرب..مين السبب
………………………
