كنا نلعب سوا
( أحمد)
كنا نلعب سوا صبيان وبنات
ونجرى من حارة حارة لحارة
فى أى بيت نتلم ننام
تخدنا فى حضنها الجارة
نية صافية وقلب سليم
لا نعرف غدر ولا خيانة
لمة عيلة وقلوب صافية
ويضمنا كبير الحارة
كانت دنيا ساعتها أمان
لا نعرف شرقى ولا غربى
نروح سوا كمان الغيط
ناكل ونشرب شاى العصارى
لمة حلوة تجمعنا
كان زمان كله أمان وأمارة
كنت صغير وواد حر
أحافظ على عرضى بنات الحارة
راحت فين النخوة يا ناس
وراح فين حياء الجارة
قولى يا زمنا على فين رايح
البت لابسة الوقت محزق
وواتساب بقت كرخانة
ليل ونهار بقت فى الشارع
ومخبيه وشها بنضارة
وإن قولنا يا بنات كدا عيب
يقولوا تقدم وحضارة
وتحس إنك إنسان راجعى
والبنت تكلمك بلبانة
فين أيامك عم بشندى
فين أيامك خالتى بهانة
والله زمانكم كان كله أمارة
وعجبى
***أحمد**
11/12/2018
