صاحب قرار
و إنهزم جوايا وطن..عشت فيه مسلوب القرار
و إنكسر قلبي أنا و حبست نفسي في إنكسار
وضاعت من بين إيديا أجمل معاني الإنتصار
ومشيت……….و دموعي كانت سكتي
والسكة طالت و معاها تاهت خطوتي
حتي الأمل….ما قدرشي يمسح دمعتي
و الشمس فين ؟!! دا إحنا لسه في إنتظار
ارجع يا قلبي ..لملم شتات النبض ..حاول من جديد
إرجع يا قلبي .. إرفع رايات الحق . . ..دا النصر أكيد
إرجع يا قلبي..يا تعيش بنصرك يا تموت شهيد
و افتكر لما إنهزمنا..لما بكينا ..لما مشينا علي شوك و نار
حرر دموع الفرح داوي مكان الجرح و إنهزم جيوش الغدر
في عز النهار إبني في طريق المجد إزرع جنابن ورد غني أغاني النصر
و إمشي بإفتخار
أسس لدولة عدل فيها الحقوق للكل .فيها المواطن حر
صاحب قرار. 🎵🎶
