.ولسة بحلم.
أحلم يكون لى كيان
أحلم أعيش ف أمان
احلم ولسه بحلم
أحلم أكون أنسان
….. ……….
أنا شايف الدنيا غابة
مليانة بالوحوش
وناس كتير غلابة
وناس مايرحموش
…. …. ……
واحلم بدنيا أساسها
العدل بين حراسها
دنيا الحب ساكن
ف قلب كل ناسها
…. ……………….
وأحلم …..ولسة بحلم
………………….
أنا شايف ايدين بتنهش
وأيد بألف أيد
وأيدين زهور بتنقش
حروفها فالحديد
…… ….. …….
واحلم بأدين تصون
تزرع شجرة زيتون
أيدين بالحق تنصف
والعدل يملا الكون
…….. ………
واحلم….ولسه بحلم
………………….
أنا شايف بحور الدم
والليل مالهش نهار
خراب دمار وظلم
وجار يقتل ف جار
…… …… ..
وأحلم تغيب النار
وتعود شمس النهار
الرحمة تملا قلوبنا
والجار يود الجار
…………………
وأحلم يكون لى كيان
أحلم أعيش ف أمان
أحلم ….ولسه بحلم
احلم أكون أنسان
…………………..
