. المقال..447..
…مجرد رأي…
.من الاقوال المحبة الى قلبى والتى تجعلنى فى حالة هدوء وسكينة وسعادة حقيقية ومتعايش مع وضعى وحياتى والمحيطين بى بكل الحب والمودة والسلام والرضا التام بما انا فية وما وصلت الية ورغم انها اقوال بسيطة ولكنها فى منتهى القوة والحكمة والعقلانية .. ومن هذة الاقوال ..{أمضى وكأنك لا تسمع }..كثير ما نسمع كليمات غاضبة من ازواجنا وزوجاتنا او من بعض الحموات او من بعض الحاقدين واصدقاء السوء طنش او اسمع من اذن وخرج من الاذن الثانية او بالبلدى كبر دماغك انت كدة ريحت نفسك وحرقت دم من اغضبك لانة لم يصل الى ما يصبو الية وهو انة ينكد عليك ويضايقك..{وأصمت كأنك لم تفهم }..يعنى واحد عامل نفسة بيحبك وبينصحك وهو عايز يخرب بيتك او واحدة عمالة تكرهك فى زوجتك او واحد عمال يشكك فى شخص عزيز عليك او واحد عمال يكرهك فى العمل وصاحب العمل عشان يحتل مكانك ..اعمل نفسك مش فاهم وطنشة ولا تستمع لكلامة ولا تجارية فى الكلام ترناح وتريح دماغك..{وتجاهل وكأنك لم ترى} يعنى خلى اللى بيعمل شىء عشان يضرك او بياخد شىء يخصك سواء كان حقك فى الميراث او علاوة او حوافز كنت الاحق منة فيها تجاهل وكأنك لم ترى وتأكد ان ربنا سوف يعوضك بافضل منها واخيرا..{أنسى وكأنك لم تتزكر} فأجمل شىء هو النسيان وخاصة المواقف الصعبة ممن نحبهم فالنسيان نعمة من الله فأخطائنا كثيرة ومعظمها بتكون بسبب ضغوط الحياة وبعض الاحقاد من اقرب الاقربين اليك ولو فكرنا فى كل غلطة او موقف مؤسف احنا اللى هانتعب وقد نصاب بأمراض خطيرة او أكتأب يبقى سبها عالله وعيش حياتك وابتسم للدنيا تبتسم لك وارمى الهموم وراء ظهرك وخلى ايمانك بالله قوى وسببها عالله واعمل الخير دائما تلقى الخير جالك من حيث لاتدرى…
