……….حكاية جوازة……..
العجوز مراتة ماتت
من العيا نامت وارتاحت
وقبل مايعدى الاربعين
عايز يجوز مسكين
راح ودق الباب
عشمان فالاحباب
فتحت لة الباب صبية
طمعانة فالمال والتكية
ورضيت غصب عنها
عشان ابوها وامها
وافتكرها التانى هدية
وبعتر عليها جنية ومية
وفالفرح ذاد المرح
والناس تقول لبعضها
ياميلة بختها
الراجل اد جدها
انا لو من اهلها
ماجوزوا ابدا لها
والعريس فالفرح نعسان
يزغدوا يعمل فرحان
ويقول جة معاد نومى
سبونى شوية ياحبابى
ياسيدى قوم كمل كتابك
واقعد مع احبابك
انا راجل محافظ عالاوقات
وميعاد نومى ياخواتى فات
دمك خفيف اوى شربات
دا الل فسنك ياحلو مات
والمسكينة الغلبانة
مبوزة وزعلانة
وشوية تنسى نفسها
وتحلم بالابهة
بالخدم والحشم
بالجناين والطيور
بالمداين والقصور
وفثانية قامت من حلمها
بتبص لاعاللى جنبها
اتارية فى سابع نومة
وشكلة نيلة ندامة
ويندهولة ياشحات
شحات…. شحات
واتارى العريس مات
والفرح يا ناس قلب جنازة
ودة خدلة كرسى والتانى قزازة
وابوا العروسة من كسفتة
ضرب دماغة بجزمتة
والناس ماسبتهمش فهمهم
راحت تغلى فى دمهم
نصيحة منى للعرسان
يبصوا عالحاجة الامان
ويكون فرق السن خفيف
مش واحدة ربيع والتانى خريف
مش تجوز اد ستك
ولا واحدة زى بنتك
ساعتها تعيش قلبك فرحان
وبيتك بالخير عمران
وتكون صحيح انسان
