بلاش تهربي
………………..
ليه شايفك تهربي
منّي وتخبي جواك
الأسية
وشايف الدمع بعينيك
وأنت القاسية عليا
برضوا أنا لو هنت
عليك
عمرك أنت ما تهوني
عليا
بقولك كلمة يا حبيبتي
مش مهم مين فينا
الضحية
أنا وأنت مشينا طريقنا
ايدي في ايدك نسبق
حيتنا
نشتكي لليالي قصة
جراحنا
وننسى معاها كل الاهات
بس خسارة أنت نسيتي
نسيتي حتى الذكريات
وأنا عمري ما أقول
عنك انك انت اللي خنتي
بس دي كانت مجرد
خلافات
هي أزمة وراح تعدي
وبلاش تهربي دا هروبك
هيزوّد الازمات …….
بلاش تهربي شعر عبدالرؤوف أبو سلوان ..عامية ديوان ..،، وداعا حبيبي،،
